Prologue

Lines 1–53

nominative
genitive
dative
accusative
ablative
vocative
adverbial
verb

Lines 1–3

Αὐτουργός

ὦ γῆς παλαιὸν ἄργος, Ἰνάχου ῥοαί,

ὅθεν ποτ᾽ ἄρας ναυσὶ χιλίαις Ἄρη

ἐς γῆν ἔπλευσε Τρῳάδ᾽ Ἀγαμέμνων ἄναξ.

Farmer

O ancient land of Argos, streams of Inachus, from which king Agamemnon once raised war with a thousand ships and sailed to the Trojan land.

Lines 4–7

κτείνας δὲ τὸν κρατοῦντ᾽ ἐν Ἰλιάδι χθονὶ

Πρίαμον, ἑλών τε Δαρδάνου κλεινὴν πόλιν,

ἀφίκετ᾽ ἐς τόδ᾽ Ἄργος, ὑψηλῶν δ᾽ ἐπὶ

ναῶν ἔθηκε σκῦλα πλεῖστα βαρβάρων.

Translation forthcoming.

Lines 8–10

κἀκεῖ μὲν εὐτύχησεν: ἐν δὲ δώμασι

θνῄσκει γυναικὸς πρὸς Κλυταιμήστρας δόλῳ

καὶ τοῦ Θυέστου παιδὸς Αἰγίσθου χερί.

Translation forthcoming.

Lines 11–13

χὣ μὲν παλαιὰ σκῆπτρα Ταντάλου λιπὼν

ὄλωλεν, Αἴγισθος δὲ βασιλεύει χθονός,

ἄλοχον ἐκείνου Τυνδαρίδα κόρην ἔχων.

Translation forthcoming.

Lines 14–18

οὓς δ᾽ ἐν δόμοισιν ἔλιφ᾽ ὅτ᾽ ἐς Τροίαν ἔπλει,

ἄρσενά τ᾽ Ὀρέστην θῆλύ τ᾽ Ἠλέκτρας θάλος,

τὸν μὲν πατρὸς γεραιὸς ἐκκλέπτει τροφεὺς

μέλλοντ᾽ Ὀρέστην χερὸς ὑπ᾽ Αἰγίσθου θανεῖν

Στροφίῳ τ᾽ ἔδωκε Φωκέων ἐς γῆν τρέφειν:

Translation forthcoming.

Lines 19–21

ἣ δ᾽ ἐν δόμοις ἔμεινεν Ἠλέκτρα πατρός,

ταύτην ἐπειδὴ θαλερὸς εἶχ᾽ ἥβης χρόνος,

μνηστῆρες ᾔτουν Ἑλλάδος πρῶτοι χθονός.

Translation forthcoming.

Lines 22–24

δείσας δὲ μή τῳ παῖδ᾽ ἀριστέων τέκοι

Ἀγαμέμνονος ποινάτορ᾽, εἶχεν ἐν δόμοις

Αἴγισθος οὐδ᾽ ἥρμοζε νυμφίῳ τινί .

Translation forthcoming.

Lines 25–28

ἐπεὶ δὲ καὶ τοῦτ᾽ ἦν φόβου πολλοῦ πλέων,

μή τῳ λαθραίως τέκνα γενναίῳ τέκοι,

κτανεῖν σφε βουλεύσαντος, ὠμόφρων ὅμως

μήτηρ νιν ἐξέσῳσεν Αἰγίσθου χερός.

Translation forthcoming.

Lines 29–30

ἐς μὲν γὰρ ἄνδρα σκῆψιν εἶχ᾽ ὀλωλότα,

παίδων δ᾽ ἔδεισε μὴ φθονηθείη φόνῳ.

Translation forthcoming.

Lines 31–39

ἐκ τῶνδε δὴ τοιόνδ᾽ ἐμηχανήσατο

Αἴγισθος: ὃς μὲν γῆς ἀπηλλάχθη φυγὰς

Ἀγαμέμνονος παῖς, χρυσὸν εἶφ᾽ ὃς ἂν κτάνῃ,

ἡμῖν δὲ δὴ δίδωσιν Ἠλέκτραν ἔχειν

δάμαρτα, πατέρων μὲν Μυκηναίων ἄπο

γεγῶσιν — οὐ δὴ τοῦτό γ᾽ ἐξελέγχομαι:

λαμπροὶ γὰρ ἐς γένος γε, χρημάτων δὲ δὴ

πένητες, ἔνθεν ηὑγένει᾽ ἀπόλλυται —

ὡς ἀσθενεῖ δοὺς ἀσθενῆ λάβοι φόβον.

Translation forthcoming.

Lines 40–44

εἰ γάρ νιν ἔσχεν ἀξίωμ᾽ ἔχων ἀνήρ,

εὕδοντ᾽ ἂν ἐξήγειρε τὸν Ἀγαμέμνονος

φόνον δίκη τ᾽ ἂν ἦλθεν Αἰγίσθῳ τότε.

ἣν οὔποθ᾽ ἁνὴρ ὅδε — σύνοιδέ μοι Κύπρις —

ᾔσχυνεν εὐνῇ: παρθένος δ᾽ ἔτ᾽ ἐστὶ δή.

Translation forthcoming.

Lines 45–49

αἰσχύνομαι γὰρ ὀλβίων ἀνδρῶν τέκνα

λαβὼν ὑβρίζειν, οὐ κατάξιος γεγώς.

στένω δὲ τὸν λόγοισι κηδεύοντ᾽ ἐμοὶ

ἄθλιον Ὀρέστην, εἴ ποτ᾽ εἰς Ἄργος μολὼν

γάμους ἀδελφῆς δυστυχεῖς ἐσόψεται.

Translation forthcoming.

Lines 50–53

ὅστις δέ μ᾽ εἶναί φησι μῶρον, εἰ λαβὼν

νέαν ἐς οἴκους παρθένον μὴ θιγγάνω,

γνώμης πονηροῖς κανόσιν ἀναμετρούμενος

τὸ σῶφρον ἴστω καὐτὸς αὖ τοιοῦτος ὤν.

Translation forthcoming.